當阿姐上呢碗「老火豬骨鷄粉葛湯」嘅時候，我唯一嘅反應就係：「阿姐，我唔係叫撈麵喎。」
當阿姐堅持呢碗嘢就係「老火豬骨鷄粉葛湯」嘅時候，我努力打開自己嘅五感，尋求我同呢碗嘢嘅結連。
我嘅認知話我聽，呢碗嘢嘅顏色、香氣、味道、濃度、溫度、內涵，都同「老火豬骨鷄粉葛湯」一啲關係都冇 。
湯面浮沉嘅幾星綠色嘅物質，我問阿姐，「老火豬骨鷄粉葛湯」點解會落唐芹 ？「香菜嚟㗎！」阿姐丟低一句，頭也不回咁，走咗。佢眼尾果一絲不屑嘅餘光，卻仍在我心糾纏不休⋯⋯
當我正在迷惑：「唔通我呢五十幾年食撈麵時果碗湯，都係「老火豬骨鷄粉葛湯」？嘅時候」，喺電光火石嘅一剎那，我，見到「光」了！
「老火［豬骨鷄粉］葛湯」！！！
我大澈大悟了。阿彌陀佛。阿門。
🙏🏼🙏🏼🙏🏼🙏🏼🙏🏼🙏🏼
