本佐日本燒肉料理 (Closed)

又一次係老尖搵食，唔講唔覺其實有好多二，三樓既樓上食肆。本佐就係坐落係赫德道既樓上食肆。6點左右到人未多，店裏面都寬敞闊落，人多人少都岩。一坐低，當然要叫碟刺身先。款式有帶子，甜蝦，三文魚，鮑片，玉子等等。當中帶子，三文魚最新鮮，叫左好多次。壽司方面推介叫三文魚子! 新鮮，軍艦紫菜都非常脆口，燒肉店計，非常細心。咁多款最正係佢。食左咁耐係時候食正餐燒肉每樣都叫少少。左起:五花腩肉，和牛粒，豬頸肉，芝麻雞翼。用燒烤網比起平鑊好，唔痴底!A5和牛~燒起上黎見到浸脂肪慢溶，一入口不得了。嗌咁多轉黎咁多轉~滿意海中大蝦~燒大蝦，食材夠新鮮，燒起上黎蝦肉就好夠彈。大大隻，啖啖肉。另外有燒蠔，三文魚頭等等用鐵碗直接燒，避免散開。味道一流。另外一個強烈推介係蜆仔，上碟配牛油蜆湯，燒起上黎香氣四溢，除左蜆仔好食，仲可飲蜆肉湯!而燒牛油粟米呢個食法亦不可錯過!而尾聲時，燒菠蘿係一個非常好解滯甜點!期待以後人多再黎食!