日悅極尚日式放題 (Closed)

適逢考完試就梗係要俾自己放肆下，食個放題獎勵下自己 ！今次就嚟尖東半島中心嘅「日悅極尚日式放題」，二百幾蚊一位，價錢相宜！比起平時喺旺角食開果幾間寬敞同埋光猛得多，坐得好舒服，出面仲有自助吧同埋比小朋友玩嘅地方，環境唔錯！自助吧有沙律、冷盤、凍食海鮮、湯、甜品、糖水等等。其中中湯味道幾好！特定時段仲可以排隊攞切件乳豬，皮燒得幾脆，正！成個感覺感覺有少少似buffet！食物選擇多，刺身新鮮，屬中上水平！壽司嘅配搭幾創新，例如有鵝肝帶子火炙壽司同埋蜜桃花之戀等等！鍾意創意嘅朋友仲可以試下流心香蕉呢個炸物，香蕉味濃郁，入面仲有糯米池一般黏黏嘅涵。呢度最好食係就係熟食，廚師手勢唔錯，例如清酒煮蜆、櫻花蝦炒野菜同埋牛油炒鮮菌等等。熱辣辣之餘味道幾好！最驚喜係有movenpick同埋haagendazs雪糕任食，仲有玫瑰味hoegaarden飲！