我哋叫咗兩碗車仔麵：
秘製汁米線配豬腸、魚皮餃、雞翼、蘿蔔
豬腸乾淨冇異味，魚皮餃滑溜有鮮味，雞翼滷得入味骨肉一啜分離，蘿蔔夠腍又甜。秘製汁鹹香微辣，米線掛汁力強，食落好惹味。
孖寶辣汁河粉配黑椒牛丸、豬皮、魷魚
牛丸夠彈牙，夾住淡淡黑椒味；豬皮吸晒滷汁，好爽口；魷魚爽口得黎唔韌。孖寶辣汁香辣夠勁，河粉滑溜唔黐口，辣得過癮。
🥚 再加鹵水蛋一隻
滷得入味，蛋香濃郁，簡單但好食。
🌶️ 最鍾意佢有辣菜脯任加唔嬲，香辣脆口，配麵一流，一定要試！
整體嚟講，配料新鮮，醬汁有特色，價錢合理，難怪可以喺葵廣長期受歡迎。
