CIU WUI GUN

今日同屋企人去啟德行街，之後去咗九龍城潮會館食咗幾道潮州菜， 前菜潮州鹹菜，酸甜好味

汕頭蠔仔洛

蠔仔份量足，夠厚實
外皮煎得香脆，入面保持嫩滑。
蠔仔鮮味夠，唔會腥。點少少魚露更加提鮮。

川椒炒雞球

雞肉嫩滑，川椒香味溫和，唔會太辣，適合唔食得辣嘅人。醬汁味道幾好，送飯一流。花椒香氣可以再突出d

豉汁蒸白鱔

白鱔新鮮，肉質肥美，豉汁鹹香適中。
鱔魚同豉汁精華送咗一碗飯，好好味。

潮州芋泥

非常夠熱，面頭鋪上白果片
口感細滑，甜度剛好，味道傳統，簡單好味。