瀛喜日本料理 (Closed)

一家人禮拜日唔想留係屋企食飯，阿媽提議去食放題，我地當然舉腳贊成啦。一去到當然係咁點野食啦，呢度好多基本野都齊，刺身壽司天婦羅不用說，估唔到呢到都有部分係特色野食。先黎份日式沙律前菜，個底全部係青瓜絲好開胃，上面仲有芒果粒同埋蟹子，簡單得黎但味道新鮮醒胃。跟住黎芝士焗蝦，每隻蝦都有大約手掌咁大，蝦肉都好鮮嫩，加埋芝士同香草係蝦肉上面，味道有點像芝士焗龍蝦既感覺。炸物都唔錯係即叫即炸，包括炸廣島蠔，一口咬落蠔汁噴晒出黎，蠔肉就爽滑。仲有芝士波都係一咬成口芝士醬，芝士控不能錯過。燒物有勁多汁既菠蘿，外邊燒乾將汁鎖起，裡面埋藏豐富菠蘿汁。雞軟骨就咬落口感拍拍聲但鹽燒味濃，個人是非常喜愛鹽燒的。呢度竟然有個蟹粥食，粥底都幾綿，蟹肉結實有甜味，好像海鮮蒸鍋既粥底。而且用料足，有幾塊蟹腳係粥度，唔怪得咁甜啦。到最後仲見到有成個冰櫃放晒雪糕雪條係裡面，都係任拎無限制，我雖然飽但最後都食埋童年回憶既大腳板先離開。