Bangkok Thai Restaurant

已是第三次惠顧此店, 第一次係剛開業不久, 質素OK, 但門口既reception就發夢咁, 我拿了飛等叫號碼, 點知佢竟然叫我後一個number的入座, 我問佢點解, 佢答我: 「你齊人就入得」  吓! 咁點解我拎飛時唔講我知??? 費解!!

第二次是與同事食lunch, 叫左個lunch set, 無甚特別.

今次…中秋節, 媽話想去食泰國菜, 近近地, 又食返佢. 今次點既菜跟以往有點不同.

冬蔭功(二人份量) $88, 辣味夠, 只有一隻開邊蝦, 蝦唔算太彈牙, 亦唔會太淋, 中規中矩啦, 另外都一定會有冬蔭公必有的草菇.

冬蔭功湯

醃燒豬頸肉沙律($82), 一端上枱就聞到酸酸的味道, 好醒胃! 個汁絕對有響泰國食既水準, 配菜新鮮, 豬頸肉稍硬, 一定要浸住個汁先會軟D. 食到個底, 好多汁, 太酸太咸了, 反而剛上枱時食就岩岩好

鹹魚炒芥蘭($78), 咸魚是正方形一粒粒的, 唔係碎晒, 讚! 芥蘭炒得不錯, 呢碟好搶手.

好味

香焗芋頭飯($88), 以煲上, keep住熱力. 味是很夠的, 只是感覺上似臘味飯多於泰式菜

很分明的飯粒

成餐飯最恐佈就係呢碟泰皇咖喱軟殼蟹($168)!!! 真係不知所謂! 咖喱是香的, 略帶甜味, 這個可接受.

1

難食到極點!!

但個蟹….發生咩事呀??  硬到咁? 牙骹都咬甩咁滯! 第一舊夾起的是爪位, 所以很硬, 我都比多次機會佢, 努力地搵舊鉗位, 終於搵到, 一咬開, 都係好硬中間既所謂肉的部份比豬肉乾/牛肉乾更乾! 而且黃晒…..呢個係翻炸好多次出黎既效果! 其實真係應該試到第二至三舊就叫經理過黎換左佢, 奈何…我地各人試左兩舊後已所剩無幾…

所謂蟹肉是多渣及乾的 >.<