Video
Read full review
2007-06-15
4 views
尋晚約咗3個朋友去沙田食飯, 平時都有去翡翠拉麵小籠包, 因為都幾鍾意食佢d 小籠包,炒拉麵,花雕醉雞,醉豬手及椒鹽小黃魚等, 今次去到, 收到個新餐牌, 發覺依家重有好多素食新菜式添,我地咪點咗幾個清清地嘅前菜來試一試, 其中我最鍾意嘅係青瓜簾,黑白木耳, 又清新又開胃又健康,每碟$38.00, 有少少貴,不過呢幾日咁熱,食呢d就最啱胃口,後來又叫多一碟八仙腐皮素卷,外脆內爽, 一共有八件, d配搭好好,呢碟小吃都係42.00。重有清炖牛肉湯, 好有肉味同好鮮甜, 好好味,又唔覺有msg, 試咗之後, 我地再落單叫多一個, 因為都算抵,只售$36.00, 好過自己煲。又有試咗個辣辣地嘅水煮牛肉拉麵$38.00 , 都幾啱 d 唔係食得好辣好辣嘅人食, 以前食過d 水煮牛肉,多數都又咸又辣,但係呢次配埋個麵,味道啱啱好, 不過我有朋友就好鍾意食好辣, 所以佢覺得呢一味須然已經係3隻辣椒,但都覺得唔夠辣,不過都算合格啦。正所謂, 想食飽要食包, 咪決定叫d餅食之類囉, 蒸干菜包$22.00, 最初唔知係咩,見佢平平地, 叫咗一客來試, 食落都唔錯, 個饀有d 似甜梅菜, 如果加小小菜甫,
重有清炖牛肉湯, 好有肉味同好鮮甜, 好好味,又唔覺有msg, 試咗之後, 我地再落單叫多一個, 因為都算抵,只售$36.00, 好過自己煲。
又有試咗個辣辣地嘅水煮牛肉拉麵$38.00 , 都幾啱 d 唔係食得好辣好辣嘅人食, 以前食過d 水煮牛肉,多數都又咸又辣,但係呢次配埋個麵,味道啱啱好, 不過我有朋友就好鍾意食好辣, 所以佢覺得呢一味須然已經係3隻辣椒,但都覺得唔夠辣,不過都算合格啦。
正所謂, 想食飽要食包, 咪決定叫d餅食之類囉, 蒸干菜包$22.00, 最初唔知係咩,見佢平平地, 叫咗一客來試, 食落都唔錯, 個饀有d 似甜梅菜, 如果加小小菜甫,可能重好d 添, 重有個無錫蟹殼黃燒餅, 都係好抵食, $26.00 一碟有3隻燒餅, 真係有蟹肉架,好鮮味,須然唔夠我地4個人唔夠分, 但小小地一人食一d,食餅都唔駛食到咁濟胃啦,因為又叫咗個$20.00嘅山東手抓餅丫麻, 都好好味, 好夠鬆。
最後食甜品, 一向都喜歡呢度嘅高力豆沙,同酒釀丸子, 不過我地改咗叫個蒸八寶飯$38.00, 同棗泥鍋餅32.00, 都幾有新意, 同埋都好好味, 今次呢一餐,我地都食得好開心, 因為埋單都係$412, 食到好飽,俾埋tips, 每人都唔駛$110.00, 抵食, yummy!~~~~
P.S. 埋單果陣, 收到咗張coupon, 原來翡翠係世貿中心二樓開多一間,憑券係7月15日前去世貿惠顧, 每檯每人可獲贈小籠包一只, 人數不限, 世貿果邊d 食店全部向海,我唸環境唔錯, 下次都要約朋友去試一試, 唔好唉咗張coupon
Post