Video
Read full review
2012-01-05
146 views
近期比較忙,講返2011年12月做冬~今次我主要唔係講食物,所以無影相,係講服務態度, 我一向對翠園食物質素都好滿意,90% 都係好食o既...今次做冬仲特登同屋企人黎食,時間都好緊迫,做冬之前一日先打黎訂台,竟然有位可以訂緊係開心啦,仲要想食早d都有,公司有得早放可以食六點,咁訂左六點七位,佢話八點交台,我都覺得冇問題丫,都好合理,而家周圍食飯都係分兩輪,好明白丫...我地六點準時去到,六點幾叫送,我地無叫餐呀, 因為做冬關係,散叫o既餐式都比平時少,都唔緊要,menu上o既野都夠我地食,野食都好快到, 差唔多七點已經食晒d送, 但其實當時我地都未夠飽,仲諗緊叫多少少野食,但係...待應們已經好急不及侍咁收起我地o既餐具, 我當時已經出聲講,而家都未夠八點,仲有一個鐘,使唔使咁快收起晒我地d野,但個待應都冇理我,繼續收....雖然我地明白做節緊係多人, 都想快d做多一輪台生意,但係我地book得台,話八點先交台,使唔使咁快想趕我地走咁...跟住分別有待應都走黎問我地係咪叫甜品, 我地都未應佢, 因為真係想叫野食, 再有一名似係知客定部長o既小姐走黎話幫我地落單食甜品, 我屋企人話"我
今次我主要唔係講食物,所以無影相,係講服務態度, 我一向對翠園食物質素都好滿意,90% 都係好食o既...今次做冬仲特登同屋企人黎食,時間都好緊迫,做冬之前一日先打黎訂台,竟然有位可以訂緊係開心啦,仲要想食早d都有,公司有得早放可以食六點,咁訂左六點七位,佢話八點交台,我都覺得冇問題丫,都好合理,而家周圍食飯都係分兩輪,好明白丫...
我地六點準時去到,六點幾叫送,我地無叫餐呀, 因為做冬關係,散叫o既餐式都比平時少,都唔緊要,menu上o既野都夠我地食,野食都好快到, 差唔多七點已經食晒d送, 但其實當時我地都未夠飽,仲諗緊叫多少少野食,但係...待應們已經好急不及侍咁收起我地o既餐具, 我當時已經出聲講,而家都未夠八點,仲有一個鐘,使唔使咁快收起晒我地d野,但個待應都冇理我,繼續收....雖然我地明白做節緊係多人, 都想快d做多一輪台生意,但係我地book得台,話八點先交台,使唔使咁快想趕我地走咁...
跟住分別有待應都走黎問我地係咪叫甜品, 我地都未應佢, 因為真係想叫野食, 再有一名似係知客定部長o既小姐走黎話幫我地落單食甜品, 我屋企人話"我地想叫多兩個送呀", 個小姐即場有d變臉,我估佢都估唔到我地仲要食野,佢話加單會耐d, 我地話仲有一個鐘丫...佢就叫人幫我地落單, 待應已經開始冇咁好禮貌,黑面叫我圈低想食咩野係餐單上...轉頭部長又走黎話我地叫o既兩樣野都冇, 我話..係咪真呀,而家七點鬆d你就賣晒d野,咁佢話另外有d野有, 咁我地就叫有o既野...係炸子雞同蜜桃豬柳, 兩個送好快就送到, 我地跟手叫埋甜品, 埋單都係七點半唔使...
服務就激到一肚氣,但野食就冇咩問題...講下今次食左乜啦..
燒味雙拼, 我地揀左叉燒同燒腩仔, 一向對美心集團o既燒味感覺良好,特別去美心飲茶一定叫叉燒食, 翠園都出夠食鐵板叉燒, 今次燒味一樣都好食,叉燒肥瘦適中, 略甜少少, 燒腩仔都唔算好肥, 個皮仲係脆卜卜, 都唔錯...
嶺南牛仔肉, 見個名幾特別叫黎食下, 係類似京蔥炒牛肉, 牛肉都林身夠味, 仲有塊包仔比夾住黎食, 不過份量唔多...
拔絲咕嚕肉, 好細舊o既肉排, 粒粒加上d汁好晶瑩剔透咁, 加上真係有拔絲效果, 每夾一舊都有會拉住條絲, 即係d汁, 味道好,賣相好...
炆斑腩, 都係好細碟頭, 每人食一舊魚, 仲有d枝竹係度, 味道都幾好, 斑腩無乾淨淨, 都好味呀...
琵琶豆腐, 我最鍾意食o既菜式, 好鍾意食豆腐, 8件, 中式湯匙size, 豆腐同魚肉比例一半一半,唔咸唔淡, 味道幾好,我鍾意...
炸子雞, 雖然係後加但都好快上到菜, 雞都好肥美, 應該唔係新鮮雞,因為近排無得賣, 但佢雞味都幾濃郁, 個皮都炸得香口, 點檸檬汁食特別醒胃...
蜜桃豬柳, 都係細碟頭, 應該似係豬頸肉, 好爽,炒得好味有鑊氣,lei個都唔錯...
甜品我叫左椰香紫米露, 椰汁重, 但就唔夠杰,淡口左d, 如果杰返少少會更好...
我今次對翠園好失望呀, 雖然野食係唔差, 我對食物方面都係滿意, 但好好地同屋企人食個做冬飯,明明訂台六至八點, 七點鐘就走趕我地走咁, 感覺超差呢....希望佢地可以改善下囉!! 同埋其實唔係好飽架咋, 我屋企返到屋企人仲要食麵呀
Post