翔壽司 (Closed)

前陣子壽司丼飯嘅熱潮非常之盛行，一間海言，叫所有人搶位搶到傻，突然間好似食丼飯才是最勁嘅潮流。前牌咁啱執到幾個位，可惜老婆無得去食，個日求其行過諗住食返幾件平靚正嘅壽司之際，佢話佢要食丼飯，已發洩佢心頭之恨。呢度嘅北海丼價錢當然平過海言多多聲，當然質素都唔可以同日而語，但唔駛等位，求其食下，真心唔錯。翔壽司係通常係我想食壽司嘅最好選擇，唔駛點排，價廉物美。就好似今日我地一人一個北海丼，滿足到一個點。油甘魚、三文魚、海膽、三文魚子、中拖羅魚腩、牡丹蝦，包盡所有港女食材，仲要唔細碗。特別係嗰隻牡丹蝦真係非常靚非常鮮甜。其他例如中拖羅，同油甘魚、海膽都係非常新鮮。個餐仲要包埋沙律同埋麵豉湯，咁都係$208，又唔使等位又唔使搶位都幾好。如果你同我老婆一樣冇得食海言又好想食丼飯，試下唔會錯。