當文歷餅店 by Dominique Ansel (Closed)

本來想開開心心買新開餅店嘅蛋糕幫朋友生日，我哋按照早一晚店舖員工提點，喺12點前排隊購買。一開始見到display嘅檸檬茶蛋糕有溶溶哋，所以問有無新嘅蛋糕。但佢地話：「無啊！」但因爲該蛋糕味道較適合，所以最後決定照要。同時我哋想寫生日牌俾朋友，但原來個牌要等15 分鐘以上（佢哋話10分鐘）因為廚師要即時寫同埋要雪下個牌。問職員可以唔可以遲啲返來拿，換來一句話：「唔可以，雪櫃爆晒。」好啦，最後企左十幾分鐘，終於拿到蛋糕。重點係個生日牌係同蛋糕分開！要自己組裝！送蛋糕之前我哋想拿出來放返個生日牌落去。點知一打開⋯蛋糕 完 全 倒 塌。我哋嘗試用兩把刀輕輕力反個蛋糕返過來，但係前面嘅糖霜已經完全粉碎，重要溶咗啲顏色落個盒。我哋當場心碎。$580嘅蛋糕，但如此脆弱，重要送唔到俾人！唉，只好吸取教訓，下次先考慮清楚買唔買得個睇字嘅蛋糕。