經朋友推介呢間西餐廳, 今晚決定去試試:):)
第一次去果條街, 好在朋友識路, 如果唔係有排搵XDXD
今晚既菜式由朋友發板.....
1)Oyster 好新鮮...首先食到咸味然後有甜味...
2)意式美國安格斯特級生牛肉片... 第一次食, 中意食牛既朋友可以試下..
3)朋友P既松露什菇忌廉湯配熱辣辣包
4) 呢個係法式龍蝦湯, 好好好味呀, 入而仲有好多粒龍蝦肉...諗起都想再去飲!!
5)香煎鵝肝配蝦子麵, 呢個真係好好味呀
鵝肝本身好膩,
不過再配埋脆卜卜既蝦子麵, 簡單完美同埋好有創意...我之前食開都係配多士..
6) 黑毛豬火腿意大利飯配松露油, 我地4個人女仔, 都食唔哂喇...
7) 最後點埋甜品, 樣樣有d, 滿足哂每人既口味..
8) 呢個心太軟, 真係好食過好多五星級酒店or出名既甜品店,
出面果d我食左一啖已經停哂手...呢個簡直冇停手!!!!
PS: 大廚Raymond會經常出黎向每台客人問下意見, 十分親民, hahahhaa
同埋服務員先生會每道菜都同我地講解點品嘗XDXD
