本味食堂 (Closed)

喺香港食車仔麵其實一啲都唔平，所以好多人寧願食雲南米線！但車仔麵係香港特色美食，再加上本味食堂係馬鞍山唯一一間黃色車仔麵，所以一定要撐！叫咗個雞翼豬腸芝士腸油麵，份量偏細。湯頭食落唔似係味精湯，滷水雞翼非常入味，豬腸又唔會太肥，味道真係唔錯，不過依個份量對女仔嚟講都唔夠！另外只要order一碗三餸以上嘅車仔麵，就可以以套餐價加杯嘢飲！值得一提係本味食堂所有餐具都係即棄，喺抗疫期間如果真係忍唔到口想出街食嘅，呢到人少少自閉咁快快食都係唔錯嘅選擇！