百樂門宴會廳 (Closed)

今日天雨唔可以戶外活動，所以決定去飲茶。 咁岩見到百樂門做緊x十周年慶祝，星期六點心全日半價就走入去啦。 今次見到好多新點心，仲要好多都係蝦蝦蝦 （謎之聲：其實可能出左好耐架啦…）鮮蝦賽螃餃，入面好多蝦，面頭又有d蟹膏，好鮮味鮮蝦燒賣，普通野~ 但入面既肥豬肉份量唔太多，唔會好油膩~香茜牛肉腸，稍嫌豉油略少，但也不錯鮮蝦腐皮卷，有蝦既鮮美及筍絲等既爽，配上腐皮既脆，熱辣辣咁上枱，轉眼就冇哂~還叫了2個甜品（下次我會記得乖乖拍照的啦） 芝麻糊，少甜，好香芝麻味，唔似即沖嗰d啦~特式薑汁糕，原先以為凍既，但原來係蒸既~ 勁正，類似千層糕既做法，粽色與透明粽色層層相間，有好香的薑味但不會辣，推介其實我好耐都冇响百樂門飲茶架啦，因為我樓下嗰間服務太差令我ban左佢，如果唔係今次特價又唔洗等位我都未必幫襯~ 但呢間服務ok,下次會再黎~所以話呢美食都要有起碼合格既服務水準先至ok架