沿途見到有好多黃店，真係食唔哂，最後畀呢間小店既門面同款色多吸引住👀，而且仲有素食餐添，雖然小編本身諗住叫意粉食，但眼見好多食客都係叫漢堡包，所以就叫埋一份啦😽。
✦✦✦✦✦✦✦✦✦✦✦✦✦✦
🎈經典牛魔堡 （套餐）$67
呢款漢堡包配料有自制牛漢堡、車打芝士、生菜、蕃茄同蜜糖芥末醬🍔，非常豐富。呢款係可以單點，而套餐+$18就可以多一款小食同飲品👏🏻。小編覺得份量十足，牛肉好有多汁有口感，因為算係比較厚身，只係包身比較偏乾。另外，本身小編好鐘意食蜜糖芥末醬，所以味道對小編嚟講係不錯既！而小編加左款小食係薯條，雖然薯條大致上差異唔會太大，香脆亦實肉，但因為本身包已經比較乾，加上薯條都係一樣較乾，所以如果無一杯野飲係到既話，會食得有啲辛苦。
✦✦✦✦✦✦✦✦✦✦✦✦✦✦
整體嚟講，小編覺得呢個價錢既漢堡還可以👍，餐廳入面除咗有漢堡食，仲有其他西餐同素食提供，連漢堡都可以簡素食款🤩，可以滿足哂食肉獸同素食人士🥳。
✦✦✦✦✦✦✦✦✦✦✦✦✦✦
