✦✦✦✦✦✦✦✦✦✦✦✦✦✦
🎈冬蔭哥秘製泰式咖哩(黃咖哩、雞肉) $58
🎈另加油飯 +$10
小編見到佢哋既招牌咖喱「冬蔭哥秘製泰式咖哩」就想試一試🍽，但出嚟既感覺配菜比較多，即係青椒、洋蔥等等。反而薯仔有三件，雞肉五件，對於小編嚟講呢個份量係唔太夠🤨，會唔飽肚。雞肉既味道中規中矩，泰式咖哩就無乜辣度👅，比較帶甜，好濃咖哩香好開胃。因為呢個餐係無跟白飯，你可以選擇加錢，有白飯、油飯同薄餅揀，需要加既價錢都唔同💵。
✦✦✦✦✦✦✦✦✦✦✦✦✦✦
今次小編就唔太推介大家食餐廳既秘製咖喱喇🍲，可能大食既朋友會覺得少，有些少可惜🥴。反而小編想試下其他款式，例如有香葉肉碎炒飯等等。因為餐廳既位置都比較偏遠，小編諗係附近既居民先至會有興趣嚟試試🙂，而且仲要背住輕鐵站靠近屋邨入面，唔太容易搵到，希望餐廳可以令秘製咖喱有返啲特色又或賣相、份量更為吸引啦💪。
✦✦✦✦✦✦✦✦✦✦✦✦✦✦
