第二款：熟薰三文魚、魚子，或西班牙伊比利火腿36個月，我們四人所以可以叫晒兩款選擇，熟薰三文魚、魚子，粒粒晶凝通透既魚子，魚油及海水鹹味帶出三文魚更鮮甜味道，整體令到味道更出色，到了至愛嘅西班牙伊比利火腿36個月，火腿軟熟，味道鹹香，食完係舌頭回味無窮！如果有白酒飲仲好，
餐湯係白松露洋蔥湯，未飲已經聞到白松露既香，香氣撲鼻，而且飲到洋蔥既清甜，層次分明！
龍蝦與海膽，鮮甜龍蝦，肉質彈牙配上海膽汁，味道出色，
煙薫鵪鶉脾，已經比鵪鶉脾賣相吸引著，細細隻好特意，未見過，一人一隻鵪鶉脾，味道有少少似煙燻鴨肉味，
燒安格斯頂級肉眼扒，20安士，叫左七成熟，火候控制剛好，肉質軟綿，顏色見到仲係粉紅色，牛味濃厚。
燒西班牙伊比利豬鞍架，肉質分明，值得一題，配菜係細細條嘅紅蘿蔔及焗薯，紅蘿蔔味好重，薯仔味都好濃，有心食材！
蟹肉蟹膏意粉，蟹肉蟹膏掛著系每條意粉上，滋味無比！
廳環境舒服，服務細心，高質素食材，有心經營
