皇朝明珠

Open Now

Now Closed

早排同屋企人去三門仔玩，經過呢一間中菜館，就入去飲個茶食個飯，估唔到比我哋一大驚喜！上湯金魚餃拼水晶球呢道菜賣相好好，金魚好精緻，裏面都係彈牙嘅鮮蝦餃，野菌餃好重菇菌味， 反而令我最驚喜嘅係個清湯底，有好重嘅金華火腿香味， 絕對值得一試。蝦餃呢個應該係比較符合現代人嘅蝦餃，蝦餃偏大粒唔可以一啖食曬， 而蝦餃入面亦都冇筍，所以口感嚟講會比較平實。 但蝦肉彈牙，調味適中。 好食嘅。燒賣 燒賣入面嘅蝦亦都係好彈牙好實， 燒賣嘅口感紮實，豬肉嘅比例肥瘦適中，食落去香得嚟唔肥。三式腸粉呢度點心一上枱嘅時候已經知道佢嘅工架非常好，有別於一般嘅又厚又白嘅腸粉皮，呢度嘅腸粉皮係油亮透光嘅。 三種餡料分別係蝦肉、叉燒以及係牛肉， 三款都做到佢應有嘅水準。脆皮乳豬乳豬燒成的芝麻外皮香脆， 咬落有肉汁， 已經係上品，無野補充海參酸辣羹最後亦都嗌咗一個酸辣羹， 食咗一輪清點之後，想試返一道惹味嘅。 酸辣羹入面非常之足料，酸同辣嘅味道比例都非常之好。成碗清哂。最後酒樓仲送咗糖水畀我哋， 服務態度亦都係一流。建議大家嚟大埔墟踩單車之前，可以嚟呢一度享受一下美景同美點。 一定可以令你嘅旅程更加難忘。