The Musicbox Grill House & Bar

約左好耐冇見既朋友仔，搵個地方食番餐好既，當然唔可以失禮，呢間打造美式音樂風格既餐廳，淨係食裝修都高興。好，坐低睇吓有咩好食先。克里奥爾炸蠔，個炸皮係偏薄，裡面蠔肉好juicy，食極都唔漏。烤雞胸忌廉汁意大利粉，冇諗過雞胸都可以咁好食，咬落啖啖肉之餘，一啲都唔鞋，而且個肉好入味，一咬到底都係有肉味。意粉就超掛汁，食忌廉意粉最緊要多汁。草飼澳洲肉眼牛扒，五成熟做得唔錯，肉身軟腍，而且有肉汁，配菜個薯仔、菇都好好食！紐約芝士蛋糕，食完主菜，叫個甜品大家share 一下開心下，蛋糕好夠芝士味，做到紐約芝士嘅實淨感。