芝樂坊餐廳

是日早左收工，行過尖沙嘴返屋企，有啲肚餓想食漢堡包，但見海港城周圍都超多人，碰下運氣去芝樂坊睇下有無位，點知1條友又有位，入去坐吧枱位，叫左個old fashion漢堡，配薯條。個漢堡扒煎得好香，入面仲好多肉汁，佢配菜係生菜、蕃茄同青瓜，雖然青瓜係少左啲，但都好味，咬落去好多肉汁，而青瓜等配菜中和油膩感覺。薯條方面就比較乾身，有啲硬左啲，雖然配左茄汁，但都係硬左啲，一上碟時熱辣辣最好食，就算凍左都仲脆，算唔錯。