Texas Burger (Closed)

放工約咗朋友出旺角食晚飯，帶住兩個小朋友，食咩好呢？上網搵到呢間burger店，見過佢哋天后店評語唔錯，旺角店就新開張未試過，小朋友喜歡食漢堡包同薯條，就去試吓，原來這裡有歌手唱live，仲有間Lego店俾小朋友玩，我哋等位期間，小朋友就唔會悶襯啦。睇吓餐牌，有好多唔同款式嘅漢堡包，小朋友見到相片已經話樣樣都想食，最後我哋叫咗香煎牛腹扒沙津，兩款漢堡加錢升級套餐，套餐包咗是日奶昔、薯條同酸青瓜，另外仲叫咗軟硬墨西哥卷各一，然後再加甜品。沙津好快就有得食，牛腹扒煮到全熟，見到好似有啲韌，但食落又唔係喎！牛腹扒好腍，好夠味，沙津菜又新鮮，連小朋友都搶住食。漢堡包我地叫左煙燻鴨肝牛肉漢堡同龍蝦漢堡，兩份漢堡大約等左十分鐘就上檯啦！小朋友見到嘩嘩聲！好大個漢堡，鴨肝入口即溶而牛肉就好多肉汁，龍蝦多到跌出來，薯條香口夠脆，連平時我唔食嘅青瓜都好好味。奶昔我哋叫咗Ocean Love同Berry Love，一杯粉藍色、一杯粉紅色，睇到都開心，我個人則比較喜歡Ocean Love，唔太甜，口感清新。漢堡未食完又到墨西哥卷啦！我哋分別叫左兩種餡料，軟殼蟹同煎牛柳條，軟殼蟹成隻上，香脆可口，牛柳條就肉嫩