佢就叫 The Musicbox Grill House & Bar，行美式復古風格，無論係裝修、海報定係餐牌設計都有種以全新風格演繹懷舊嘅感覺。
而佢特別嘅地方係，佢有個小DJ捽碟區域，mix&match翻美國嘅經典歌曲(仲要聽聞係佢老闆親身上場)，而佢都會播返歌曲嘅MV加添氣氛，所以好正嘅係，你會邊食飯邊有就落club既vibe，我個friend都話勁正😎
然後講返食物先，整體嚟講擺盤真係好正，而且食物質素非常高😋😋
Onion Rings 洋蔥圈 ($58):
通常同friend飲酒都會叫小食，而呢個洋蔥圈好食又抵食，我哋兩個根本食唔晒。洋蔥圈的外層金黃酥脆，內部則柔軟、多汁，咬落去酥脆可口，配上燒汁簡直係送酒一流~
The Devil Burger 惡魔漢堡 ($148):
一上菜就已經驚艷到我，竟然有惡魔既角喺度，太得意了吧🥰 而且呢個漢堡竟然係辣嘅 (我個人覺得唔係幾辣但係我個friend話佢有少少辣得滯)，包嘅兩邊烘得好脆但內裏鬆軟，而牛肉真心Tender又Juicy，完全同出邊漢堡肉嚡熠熠係唔同既層次，配料生菜蕃茄洋蔥等等亦都好新鮮，份量都好足夠😝。差啲唔記得咗佢嘅薯條，又大條調味粉又滋味，成個配搭簡直係大推，對愛食辣嘅我嚟講下次都一定會再嗌翻。❤️🔥
Bourbon Glazed Lamb Chop 波本辣汁烤羊架 ($288):
高質之選。睇餐牌嘅時候俾佢 “ it’s a flavor party up in here”吸引咗。一食就知真係不得了，羊肉肉質非常鮮嫩多汁，咬落有少少入口即溶嘅感覺(通常羊肉好容易靭)，真係好好食。而佢配菜竟然有意大利雲吞同埋洋蔥圈，仲要份量都唔少，一道菜既價錢試足三種滋味，真係俾十個like佢啊😍😍
Blue Lagoon ($78):
我就叫咗呢杯叫藍湖既雞尾酒，外型好睇唔在講，重點係有vodka做base配藍柑酒、檸檬汁同埋雪碧，出嚟嘅效果酸酸甜甜，實在係夏日嘅消暑佳品同埋我嘅打卡之選🤩
Tiffany ($78):
友人同樣嗌咗杯消暑佳品，不過佢個杯偏向奶昔嘅感覺多少少。Tiffany呢杯係用蘭姆酒做base，然後加入藍柑酒、檸檬汁、菠蘿汁同埋忌廉，成個感覺非常夢幻好有少女感，打卡放上IG上面仲好多人PM問佢呢間餐廳喺邊添😆
銅鑼灣出名美食多，估唔到今次比我搵到一間咁高質既美式bar/餐廳，下次同friend或者同事食又有一間好去處啦🤩🤩
BTW呢間餐廳逢星期一同三有Men’s Night同Lady’s Night, 下次對啱日子黎就更加着數啦🪄
