Nichi Shabu Shabu (Closed)

呢個星期又係下雨天，諗住出門口食飯前又落一場雨，好在近近地，揀左呢間位於美孚嘅日日涮。其實上次公司聚會已經試過，整體都可以嘅。餐廳位於美孚廣場，面積都幾大，座位甚多，估唔到平日都有接近七、八成滿座喎。座位間闊落，唔會話好逼狹，人多起黎就當然會應聲啲。當日唔知係咪佢地嘅冷氣有問題，會有少少焗嘅

套餐分兩種，我地揀嘅係90分鐘日式火鍋放題，由美國肥牛、美國牛小排、澳洲和牛到日本和牛都有，正價時段定價$168-418，9點後入座有優惠價，豐儉由人。每個套餐都包左牛肉、黑毛豬豚肉、雞腿肉、配料任食、飲品任飲。

2

醬料

美國牛小排套餐 $238/位
湯底分昆布、豬骨、壽喜燒、麻辣、豆乳、蕃茄等，我地揀左壽喜燒拼麻辣鍋湯底質素還好，麻辣嗰邊辣度唔會太高。壽喜燒帶少少甜，唔算好濃郁，都好嘅，免得愈食愈鹹。

牛小排薄啲、瘦啲，質素還好。黑毛豬肉比想像中好，唔會太柴；雞腿肉都好滑溜。

自助區嘅範圍都幾大，蔬菜、丸類、菇菌、午餐肉、脆皮腸等食材任食。

眼見到補添得幾快，丸類唔會冷冰冰，有隻丸幾得意，有薑味。仲俾我見到有豬紅，拎左幾轉配麻辣鍋無得輸

蔬菜類

另外可以每位加$30升級刺身、壽司、炸物、燒物任食。其實當你食一轉，都抵加嘅。店員會另外擺低點餐紙，刺身方面有三文魚、劍魚腩、赤貝、油甘魚、甜蝦、希靈魚、吞拿魚、鯛魚片、八爪魚。壽司、卷物都係基本款。炸物、串燒、天婦羅十多款。

刺身冰底上，唔算好厚切，食一轉夠哂。壽司試左蟹棒、火炙左口魚邊、鰻魚等，壽司飯唔會太硬或者酸，一口份量。

炸物、燒物都可以，冬菇、雞翼、蝦唔錯，唔會話太油，少少調味。天婦羅新鮮熱辣，炸漿唔會太厚，值得一試

食埋個麵先滿足。

飲料方面選擇超多，罐裝汽水、啤酒、韓式飲品、枝裝飲品等全部任飲。

雀巢雪糕任食。