韓盛朗 (Closed)

今日做完嘢剛好到午餐時間，一個人決定試一試呢間韓國餐廳，小店嘅老闆係韓國人，味道同裝修都是正宗韓國風味，午餐我叫咗一個海鮮純豆腐湯，店員好快就放上餐前小食，有泡菜、芝麻油莧菜及薯仔。主菜好快就到，海鮮信豆腐湯湯底都係辣嘅，開頭嗰幾啖辣到我係咁咳，之後適應咗就冇事，有好多豆腐，豆腐吸收左辣湯嘅精華淡淡辣味，香辣得來又香滑。海鮮方面，主要都係蜆，有樣嘢想反映，好多蜆的殼都爛咗，爛殼的碎跟湯底混在一起，我不小心有幾啖都食咗啲殻落肚，建議一係唔好連殼放落去，如果要連殼放落去就最後先放。總括而言，喜歡食韓國菜嘅朋友可以一試，但係始終餐廳嘅座位都唔係好舒服，大部份都係圓瞪，坐得辛苦侷促。