牛牛日式火鍋放題 (北角匯二期) (Closed)

之前同男朋友講起話想打邊爐，點知佢今日就帶左我黎北角匯呢間牛牛放題😍門面色彩繽紛襯返我個人一樣咁sharp😘🤣餐廳係午市會提供60或90分鐘既火鍋放題，根據唔同牛肉既品種而有不同價格亦都可以加錢升級埋海鮮放題😍男朋友叫左日式麻辣鍋，我就叫左骨膠原豬骨鍋牛肉切得好薄身同幾大片，吸收哂湯底既精華一人一鍋既好處係佢可以食到佢心愛既麻辣而我呢個零辣寶寶又可以食到唔辣既骨膠原湯底😌蔬菜配料自助區好多選擇，有啲花多眼亂 (小朋友先做選擇，仼食放題既話我全部都想要！)超甜粟米同香菇都係我必點既蔬菜飲品區有汽水、特飲同冷泡茶💯我就揀左菠蘿特飲夠開胃,甜品有movenpick雪糕仼食，一個字: 抵！