意粉屋 (Closed)

是日心心的生日飯來到葵芳食意粉屋，為的是方便幾位美女行街買甲油等候時間約20分鐘，服務員就帶住我地幾個人入去餐廳最角落既枱，當時，我地係清楚見到仲有幾張吉枱架，唔知係咪我d朋友係等候時間已經好嘈吵，所以將我地發配邊疆。點左個冬日最hot既尊貴芝士火鍋，份量夠兩至三人食，仲有小食拼盤、芝士煙肉焗椰菜同夏威夷薄餅。唔係芝士就係煙肉，慌死食你唔肥咁。雖然係邊疆，但係佢地仍然好細心咁解釋點樣搞下個芝士底呀、執靚張枱擺上六個人先食得晒既菜色。講起芝士火鍋，第一次係瑞士民宿時候，民宿既兩夫婦整俾我地幾個朋友仔食，已經係09年既事，當時佢地講左好多有關瑞士最出名既芝士火鍋由來俾我地知，一路食一路聽，食到個胃頂到要爆。記得最原始既芝士火鍋配料係只有麵包，所以麵包係整個火鍋既精髓，可惜今次個包真係太軟身，冇烘過 但南瓜就好甜，入口即熔，配芝士係出奇咁夾。絕對值得一試。小食拼盤：洋蔥圈、春卷、薯條、雞翼、蘑菇、生菜及車厘茄。唔係咁好食囉，尤其洋蔥圈，無洋蔥既。芝士煙肉焗椰菜，濃濃芝士汁，又香口又好食夏威夷薄餅，加芝士粉後既薄餅，永遠都係咁好食，是晚再試加芝士火鍋汁，結果係正，比加芝士粉咁乾身既調味黎到更有