Honbo (Closed)

放假出開荃灣，行行下行左去南豐紗廠，呢個活化工廈成為左文青既打卡熱門點，亦有好多唔同款式既食店進駐，我地上左三樓，見到有間裝潢比較簡約既漢堡包店「Honbo」，剛巧有Ｄ餓，一於試下！🥰🥰點左餐搵個位置坐，雖然間店舖唔大，但好光猛好乾淨，坐係吧檯感覺好似去左外國咁！🥳🥳🥳講返食咩先，我地試左兩個，一個係CLASSIC BURGER，入面有四安士牛肉漢堡排、酸瓜、生菜、千島醬。先講漢堡包皮，唔太軟又唔太硬，仲有少少炭燒燶味，非常特別！而塊漢堡排煎得好有牛肉味，Ｄ肉汁滲入Ｄ包度口感十足！仲有千島醬同酸瓜既相互襯托，整個包既配搭係無得彈！😋😋😋😋😋另外我地再叫多個CHEESE BURGER，基本上同CLASSIC BURGER相似，有四安士牛肉漢堡、酸瓜、洋蔥、生菜同自家醬汁。同CLASSIC唔同既係多左塊芝士，不過唔好睇少佢，塊芝士融化左係塊漢堡扒上面，兩種味混和得天衣無縫！🤩🤩🤩🤩仲要介紹埋Ｄ薯條，非常香脆可口，店舖提供美式茄醬同芥末醬，簡直係薯條既最佳拍檔！👍🏻😆😆😆