金葉

今日喺附近見完過客,見到有條友喺條街度派緊傳單,佢旁邊個易拉架嗰張牛扒相睇起嚟都幾吸引，就攞咗張傳單過嚟睇吓。

見到佢做緊美國鐵板牛扒餐，$200有找，又送雪糕，天氣咁鬼死熱，就決定去試吓。

講真我喺度做嘢都有幾個月，完全唔知道有呢間餐廳，但係又唔怪得我嘅，因為個位置真係有少少偏僻。

入到去就即刻叫個扒餐先，原來佢有分貴同平，因為今次淨係想試吓就叫咗個平嘅美國prime平鐵牛扒餐。份扒嚟到都幾大件，目測有10oz.

見到薯條仲係任食添就即刻添左三四次。啲扒煎得都真係唔錯，多汁又唔會鞋，食得出啲肉唔係茶記野，下次會帶埋啲朋友一齊嚟試吓嗰個貴嘅餐。