Video
Read full review
2012-05-07
85 views
十五號清晨先落機，係美國食左成個月垃圾，漢堡、薯條、pizza ﹗勁乾、勁燥、勁咸 ﹗好掛住我地既真正廣東菜呀 ﹗即刻要食返餐中菜先得，但有點強差人意啊。新 menu 喎，不過大同小異，好耐無黎喇 ﹗搞錯呀，青斑仔賣晒，其他魚最少斤半，得兩個人點食喎，好想食魚呢，係沙漠食死魚死左成個月喇。拍青瓜，女友有排都未到，叫個拍青瓜濕吓口先，點知拍左成半粒鐘先拍到黎我面前，女友都黎到坐低左喇。大量既陳醋加生蒜米，青瓜新鮮多汁又爽口，不過真的酸了點。女友不食酸的，我只好自己搞掂晒佢。海皇魚翅羹，睇錯左添，我原先以為係燉湯。湯底味濃，有海鮮香味，質地厚薄適中，好食好食 ﹗加左浙醋既海皇魚翅羹，又開胃又勁好味 ﹗蜜橘排骨，睇個名都知係甜啦 ﹗橙色醬汁帶橘皮清香味道，都幾特別，質感軟腍，不過不失啦。蠔皇鮮菇扣遼蔘，依家正係 promotion 期間，六十蚊有找，超抵食 ﹗當然一分錢一分貨。遼蔘質量算滿意，幾十蚊想點喎 ﹗夠滑夠彈又扣得入味，鮮草菇好鮮味，好食 ﹗熱騰騰用鍋上，正 ﹗翡翠靈芝菇炒蝦球，唔多見有靈芝菇喎，得幾片雲耳。蝦球質感爽到假，用勁鹽醃再啤水，唔新鮮。味道勁咸，咸到苦 ﹗入唔到口，要放棄
新 menu 喎，不過大同小異，好耐無黎喇 ﹗搞錯呀，青斑仔賣晒，其他魚最少斤半，得兩個人點食喎，好想食魚呢，係沙漠食死魚死左成個月喇。
拍青瓜，女友有排都未到，叫個拍青瓜濕吓口先，點知拍左成半粒鐘先拍到黎我面前，女友都黎到坐低左喇。大量既陳醋加生蒜米，青瓜新鮮多汁又爽口，不過真的酸了點。女友不食酸的，我只好自己搞掂晒佢。
海皇魚翅羹，睇錯左添，我原先以為係燉湯。湯底味濃，有海鮮香味，質地厚薄適中，好食好食 ﹗加左浙醋既海皇魚翅羹，又開胃又勁好味 ﹗
蜜橘排骨，睇個名都知係甜啦 ﹗橙色醬汁帶橘皮清香味道，都幾特別，質感軟腍，不過不失啦。
蠔皇鮮菇扣遼蔘，依家正係 promotion 期間，六十蚊有找，超抵食 ﹗當然一分錢一分貨。遼蔘質量算滿意，幾十蚊想點喎 ﹗夠滑夠彈又扣得入味，鮮草菇好鮮味，好食 ﹗熱騰騰用鍋上，正 ﹗
翡翠靈芝菇炒蝦球，唔多見有靈芝菇喎，得幾片雲耳。蝦球質感爽到假，用勁鹽醃再啤水，唔新鮮。味道勁咸，咸到苦 ﹗入唔到口，要放棄 ﹗成碟送只有脆肉瓜最好食。總評價為劣，寧願去咪走雞食小炒，依家埋單七百蚊，唔值。
Post
