スーパー丼 (駱克道) (Closed)

今日同朋友黎銅鑼灣食丼飯，呢間餐廳既選擇都幾多，熱食丼、小食、串燒、刺身。叫一個丼飯會包埋伴菜同味噌湯伴菜都唔馬虎，用左黑醋黎整，咸咸酸酸幾開胃。特選燒鰻魚丼:鰻魚份量好多，件件都好肥美，味道鮮香。鰻魚汁左係飯底，記得要撈勻先食，咁就粒粒飯都有鰻魚汁既味。由於好多汁味道都偏咸，岩哂鐘意食濃味既人。玉子生薑豚肉丼：生薑豚肉配溫泉蛋，見到都覺得好豐富，都係好多肉。溫泉蛋汁撈飯再加上d生薑味好夾，薑味重！仲有大量蔥花！豚肉唔會太肥，薄薄一片片咁好易入口。芝士年糕兩件$38，外脆內軟，中間既芝士仲凍凍地咁，芝士味濃郁，綿滑又好味。日式餃子5件$38，餃子醬帶d柚子味好清新。另外一提，飯量都幾多，同朋友都食到好飽，好滿足。熟食丼飯幾高質，下次試下魚生丼。埋單$255有2個丼飯同2個小食，性價比高，值得再黎食。