鐵飯碗

Open Now

Now Closed

入座後開番壺菊花，餐廳用咗熱火爐保持熱度。再上一籃蝦片，蝦片爽脆好味。蜜汁黑豚肉叉燒、娘惹海鮮小金杯、蛋黃醬脆鴨絲夾。三種頭盤都好特色同好味，我最愛海鮮小金杯😋南洋傳統肉骨茶配上脆卜卜既粒粒油條用嚟送肉骨茶就一流。傳統嘅肉骨茶用上豬既大骨同肋骨。配合唔同既藥材同香料熬成骨湯。食落好香既骨味。仲可以健脾活血。咖哩魚配飛餅魚係龍躉嚟，肉質爽口彈牙。飛餅鬆化點咖哩食就最岩。馬拉盞四大天王地道風味炒菜有豆角、西蘭花 、茄子同臭豆 原來職員話臭豆 好有益有益生菌。咁真係要食多兩粒。檳城炒蝦麵兩種麵炒成 上面加咗啲豬油渣好正！配埋酸辣椒同辣椒醬。仲有好多海鮮。椰汁西米露暖暖哋唔太甜正。