Kim's Bowl (花園道) (Closed)

中環開餐又多個選擇啦!最近發現花園道冠君大廈入面嘅Kim's bowl韓國便當外賣店好好食，可以攞走又可以喺入面個food court慢慢嘆。今日同囡囡去完香港公園玩，玩到肚餓去咗買一個拌飯，一個照燒雞肉便當。囡囡食到津津有味，個拌飯有好多蔬菜，又有牛肉同紫菜煎荷包蛋，啱曬佢食，全部都係佢鍾意嘅食物元素。我都好鍾意個便當個便當，入面有好多配菜，例如玉子燒，甜甜地嘅蓮藕，泡菜，翠玉瓜絲，粉絲。粉絲好美味，濃濃的麻油味很香。兩個飯都配咗飲品，我就選擇熱蜂蜜生薑茶，囡囡就揀咗凍青橘子茶。 呢間外賣店都有好多唔同款式選擇，而且店員都好友善，下次可以再幫襯。