相約住附近的人媽晚餐，
第一次去石門區唔熟路，
約咗响石門站 C 出口等，
跟著人媽直行街口轉左，
不久就見到這家小Cafe，
第一眼已經覺得幾有feel
如果唔係有個熟人帶路，
相信未必會行到這位置
店內裝潢簡約，舒適悠閒，
枱面有樽水內有一株薄荷，
除了令水的味道變得清新，
更令四周環境增添了生氣
餐牌非常簡單，只有3頁，
前菜由$38起，選擇隨意，
主菜共有12款，豐儉由人，
加$12仲有埋餐湯同飲品
我哋揀咗前菜、羊架、意粉，
無理由唔加埋餐湯同飲品架
餐湯係鮮製椰菜花忌廉湯，
如有需要，可添加黑胡椒。
口味清新，仲有椰菜花粒
前菜揀咗藍青口配多士，
多士外表烘得微微焦脆，
內心鬆軟綿密，好好味
藍青口一直都係心頭好，
酒煮更係喜愛食法之一，
簡單又美味。
細細隻嘅藍青口，鮮甜又飽滿
加埋車厘茄及洋蔥，清香好味
烤羊扒上枱已經聞到好香，
擺盤又幾靚，薯菜有驚喜
真係有唔少菜，感覺健康，
唔係一般幾件炸薯角就算。
脆肉瓜大大件，鮮甜可口，
沙律菜新鮮爽脆
羊扒熟成程度剛剛好，
表面香焦煎封，肉質腍軟有汁，
肉香充盈，沒有羶味
好食到想成份自己食曬
黑松露野菌意大利飯
意大利飯口感軟腍中帶點韌
攪伴時見到溶化了的芝士絲，
加上幾種菇菌清新味道中和，
飯粒吸收所有材料的精華
好食到停唔到口，飽都要食曬
無論飽嘅程度係幾多，
甜品係一定少不了的
芒果拿破崙好靚，
味道清香又唔甜，好好味喎。
青檸茶又係另一驚喜，
茶香加上青檸的清香，
好飲又醒神
