超羣麵包西餅 (Closed)

炎炎夏日最好既消暑方法就梗係去游水啦，星期日既下午就入左去馬鞍山朋友會所暢泳🏊🏻‍♀️🏊🏻‍♀️。游完水後大家就去附近商場行下，經過見到有間'超羣麵包西餅'，我就問朋友乜唔係執晒架咩🤔，朋友就話我你岩岩先返到地球呀，人哋開返都好一段時間喇😅😅。而且仲幾好味架，我望落去門面係幾靚感覺又乾淨衛生，師傅做麵包都可以俾你睇得到。岩岩好蛋撻又出爐，咁就同朋友買咗蛋撻同焙茶芝士蛋糕。蛋撻係牛油皮，所以聞落去特別香，牛油皮一啲都唔厚而又幾硬身，食落口又唔會散晒，少少甜又夠蛋香味😋😋焙茶芝士蛋糕都唔錯，蛋糕夠鬆軟唔太甜焙茶味都夠香，但就完全冇芝士味😅