NINETYs (K11購物藝術館) (Closed)

尖沙咀有好多打卡餐廳，但打卡able得嚟又好食嘅，NINETYs絕對名列前茅。今日同老婆去開尖沙咀血拼，行到攰攰地就嚟撐檯腳喇。餐廳座位闊落，樓底夠高，坐得好舒服。PIGGY PIGGY $178嚟到NINETYs一定要食叉燒～經慢煮處理過嘅黑毛豬叉燒，油脂嘅比例分佈一流，口感軟腍而有彈性，入口油甘豐腴，香口JUICY！漢堡包烘得非常鬆脆，好香牛油味，就噉食塊包都好好食中間重夾咗啲kimchi、羽衣甘藍、紅糖青蘋果等嘅材料，口感同味道都好豐富LOBSTER PASTA $248擺盤好靚，一上檯已經香噴噴龍蝦大大隻啖啖肉，焗得啱啱好，肉質爽脆唔嚡口，味道鮮甜；意粉軟硬適中，配埋酸酸甜甜嘅羅勒蕃茄醬，開胃好味。