御千丼 (Closed)

又到同大埔朋友聚餐的時候，今次嚟到「御千丼」食海鮮靚丼丼。餐廳體積雖然唔需好大，只有幾張檯，但食物種類繁多，好多不同海鮮配搭的丼，非常吸引。第一眼已被「三文魚帶子海膽丼」深深吸引，三文魚有四片，仲要大大塊夠新鮮、帶子有二大片很甜美，而且一排香甜海膽，一點腥味也沒有，好好味呀～水準超好!另一個丼就點了「春日丼」，裡面有三文魚四片、帆立貝二片，同樣一樣咁鮮甜美味，飯量十分多，好大碗，一個男人食都剛剛好～春日丼加錢就可轉做定食，有埋味噌湯，湯味香甜勁多蜆肉，鮮味出到嚟。沙律算可以啦～合格!前菜係醃既蜆肉，好味食唔停。再追加多一份雞皮餃子，侍應話要空氣炸鍋製造，即叫即製，需要大概10分鐘。果然等待是值得的，上菜是熱辣辣，香噴噴，雞皮炸得金黃，味道香脆可口，餃子餡料夠曬豬肉香，好食到停唔到口呀！