Mimila (Closed)

為咗配合沙中線發展，沙田越來越多好野食，南洋美食我都係第一次試，原來南洋係指馬六甲海峽以西印度洋地區，包括馬來群島新加坡同印尼群島，所以南洋美食都包含呢幾個國家嘅一些地道菜。新加坡同印尼最常食都係喇沙同埋海南雞飯等等，非常之出色。最好味我覺得係咖喱喇沙雞飯，價錢唔算太貴$88有一大碟飯而且雞件數量好多，最開心係會送埋個菜，配埋辣椒做調味料，辣辣地幾過癮，醬汁應該加咗少少耶奶，食落去漿漿地，甜辣得來不會嗆喉。最後可以叫埋甜品，貓山王亦都係南洋比較出名嘅水果，味道好濃醇，食完都冇口臭，可以一啖一啖慢慢嘆。成間鋪頭用黃色嘅燈光，感覺好溫暖，食落去好有家鄉嘅感覺，下次再可以試多幾款家鄉菜。