上星期日趁打完風, 去左MEGABOX 阿女友行街, 見到好耐冇食過既小南國;
晚餐就決定黎呢度食啦!!!
食上海菜當時要食小籠包啦~~
佢地既招牌小籠包一籠 5隻;
皮夠薄, 一咬熱辣辣既湯汁就一湧而出, 唔錯!!!
之後就係期待以久既北京烤鴨~~
佢地既烤鴨色水唔錯, 鴨皮連埋少量既鴨肉, 令食落更有口感!!
如果淨係得鴨皮既話就會更好。
食北京烤鴨梗係有大蔥絲、黃瓜絲、甜麵醬、薄餅皮;
不得不讚佢地呢度既薄餅皮真係好薄身, 食多幾件都唔會覺得膩!!!
最後就係我最愛吃既松子魚~~
酸酸甜甜既醬汁非常開胃, 用黎送飯真的不錯!!
炸左既魚皮外面香口, 但個人略嫌條魚太瘦, 冇咩肉食。
總括黎講, 呢度價錢唔算平, 食物質素正常;
冇乜特別驚喜~~
