火山燒 (Closed)

雖然之前都食過一次，但今次就帶左我嘅大胃爸爸黎食！因為係任食3個鐘，佢一定勁中意！呢度既裝修好特別！我地一入去待應就推介小小佢地比較新鮮嘅海鮮，佢地嘅款式都算多，而且好特別。我地梗係加$88 要埋海鮮拼盤啦！有鮑魚，和牛，大蝦，非常新鮮，岩哂我呢d 海鮮迷！我大胃爸爸最中意食生蠔！因為係無用任何醃料，原汁原味，我地已經叫左幾ground.仲有好多燒多春魚，魷魚都好食，因為係無經雪凍，所以就算燒過熟都唔會太硬。燒蒜蓉法包都唔錯，因為佢地一早幫我地準備好哂牛油，一上就可以燒！