鋒哥廚房 (Closed)

呢間絕對係充滿驚喜既餐廳，餐廳裝修簡單得黎又舒服，仲有啲打卡位，岩晒同朋友黎歡聚呀！👀麻辣烤魚係第一樣食既，新鮮既魚肉同滋味十足既辣椒搭配，帶黎一種刺激而又獨特既味道，而且魚肉好嫩好腍，軟嫩唔鞋口，超正！👅之後就係任食既，除佐麻辣雞煲係任食，仲有任食既蒜茸燒扇貝，每一隻扇貝都精心挑選，保證鮮美，大廚將蒜茸同扇貝完美結合，扇貝既鮮甜同蒜茸既香氣互相配合，鮮味十足！💋呢度既火鍋當然都係任食，特別推薦安格斯牛小排，響鈴同豬肉丸。安格斯牛小排肉質鮮嫩多汁，入口即化；響鈴爽脆鮮味，吸收湯料既味道，每一口都充滿著美味；豬肉丸彈牙又有口感，絕對回味無窮！🫦