川味雞烤魚大王 (隆亨商場) (Closed)

今日又心血來潮想再黎食尼間位於大圍的「川味雞烤魚大王」。之前食過好好味，今次就再黎食。黎到尼到緊係要叫最出名既烤魚。我地今次叫麻辣烤魚中辣：小半條烷魚。上次叫左小辣唔夠辣。所以要升級叫個中辣。同埋佢既小半條魚都好大條。夠晒兩個人食。我地仲要左三樣配料：烤響鈴，午餐肉，皇帝菜。首先，炸響鈴係必點。尼間既炸響鈴係即烤既。另外炸響鈴放落麻辣魚既濃濃湯底到滾幾滾，索晒湯底既汁。咬落去脆脆林林的，湯汁從響鈴中浸到口中，so hot，so spicy !!!👄👄正呀！絕配！另外，午餐肉就無咩特別啦，普通。係因為我老公鍾意食所以必點姐。佢餐餐打邊爐都要食午餐肉。仲有皇帝菜都無特別。只是本人想食下菜而已。但尼間既菜係比較衛生。明顯見到係會洗左先拎出黎。所以尼間既衛生係值得一讚的。