神戶屋日韓放題

Open Now

Now Closed

今次試既係旺角兆萬既一間放題，兆萬有好多唔同既放題餐廳，但吸引我地去呢間分店既係因為佢比較平同有個好吸引既食物，我地係6點幾到達餐廳，好似大概$14X左右既價錢，而對上一個價錢更加係$129，雖然未加一，但呢個價錢我已經覺得好平，上面既野食都唔算少，但以壽司為主，見到佢主要都係佔大部分壽司，例如軍艦系列同埋芝士，而比較吸引係每個客人可以揀一隻生蠔又或者係一份海膽，我同朋友都揀左海膽，好鮮甜，係好好好好食，佢個份量雖然唔係話大份，但都好過其他放題既迷你海膽手卷，因為可能你要食好多飯先食左一小舊既海膽，去食放題食咁多飯點得，加上佢加上青瓜真係好fresh，誇張既係上面有得打邊爐，一次滿足兩個願望，有三種湯底揀，仲有好多唔同既配料，例如肥牛同埋唔同既丸類，真心一啲都唔hea，但今次食得太飽，所以就冇特別試打邊爐，但見到隔離既幾枱都有叫，仲不停追加其他材料，就知一定幾好食，所以一次去一定會去試一試佢，同埋佢既炸物都係熱辣辣，唔會好似整左好耐咁，十分欣賞!