未講食之前，呢度嘅老闆同員工都招呼好好，抵讚👍；亦都見到有好多熟客嚟幫襯🤩
$168「黃金焗海蝦」：海蝦🦐新鮮大大隻，肉質鮮甜，用薄薄哋嘅脆漿包住，最外邊沾滿鹹蛋黃，食落非常香口美味🤣，仲大大碟有好多隻海蝦🦐可以食🤩
$168「脆皮燒雞半隻」：真係冇改錯名，燒雞外皮燒到脆脆哋，雞肉就軟熟好雞味，整體香口好食😋
$148「清蒸海鱸魚」：海鱸魚好大條，廚師將魚鎅咗幾刀，咁魚就可以快啲蒸熟，魚肉就更加滑，亦都食得好方便🤣；鱸魚新鮮，魚肉鮮甜，清蒸食到原味同鮮味，仲因為大大條真係有好多魚肉可以食🤣
$85「金銀蛋浸時蔬」：揀咗西洋菜，西洋菜新鮮，食落幾爽口，金銀蛋煮味道就濃郁啲啲🤣；仲有，份量勁多，食咁多菜感覺健康啲🤣
$168「豉汁蒸白鱔」：白鱔好新鮮，肉質鮮甜，豉汁蒸味道好濃郁，好惹味🤣
我哋兩個本來超肚餓，食完呢個美味兼豐富嘅晚餐，碟碟都大大碟，變得兩個都勁飽，超滿足🤣
