喜記避風塘炒辣蟹 (肇明大廈)

Open Now

Now Closed

有朋友來香港想食海鮮， 一早知喜記好出名，仲有多間分店， 食蟹同海鮮一流，所以帶左佢黎食。呢道環境闊落，乾淨企理。我地叫左蒜蓉粉絲蒸日本元貝元貝大大隻，好厚肉，蒸得岩岩好，好鮮甜，蒜蓉好入味，粉絲吸收哂精華。避風塘蒜蓉蒸蟶子王，蟶子王啖啖肉，够哂大隻隻，微辣嘅蒜蓉醬汁配合蟶子既鮮香味，令人回味無窮。😋辣酒煮花螺做得非常入味，辣度岩岩好，唔會遮蓋花螺既鮮味，花螺口感爽嫩，配合一陣麻辣香，讓人食不停口。👍🏻豉椒炒青口，豉椒炒蜆食得多，豉椒炒青口真係第一次，估唔到一樣禁夾，豉椒既香味和微微辣味，食落口感鮮美。