瓊天 (Closed)

瓊天海南雞、文昌雞、養生燉湯經過門口見到呢個皇牌燉湯飯套好正！仲有送特色時令糖水一碗。招牌脫骨海南雞飯配咗花旗參鮑魚紅棗燉唐排燉湯鮮味好味夠哂火喉仲好足料，有鮑魚。海南雞肉質鮮嫩，食落啖啖肉，雞味香濃。配埋個飯好食😋時令糖水木瓜雪耳好滋潤。見到隔離枱個羊腩煲咁香。心思思又叫咗個😚仲跟咗生菜同白飯羊腩好入味，煮到好稔，好食唔蘇味。仲有好多支竹同冬菇。泰式鳳爪沙律鳳爪爽口，味道酸酸辣辣好惹味。自家製烏龍茶茶味香好飲。