意粉屋 (Closed)

今日同屋企人黎左呢間飯堂食飯，平時都係飯堂食午餐。夜晚都好小黎食，由於係禮拜日既關係，所以勁多人等位。一入到坐，就有人問我地飲咩水，呢個唔錯既。餐湯酥皮蕃茄帶子湯呢隻湯幾好飲，我鍾意蕃茄酸酸地既味道，加上焗左層酥皮，所以好夠熱。而帶子雖然好細粒，但數量都幾多既。酥皮龍蝦湯呢個都保持水準，個湯好濃，好好飲啊。酥皮好脆口，yummy。小食芝士焗五蔬裡面有椰菜花、草菇、蘑菇、南瓜同翠玉瓜。其實個芝士好濃，不過我都係鍾意食芝士焗茄子。田園炸雞籃呢個雞籃都可以保持水準，雞又大舊，好juicy。正。拿波里意粉個味淡左啊，我記得以前個汁係好濃味，食完係有小小漏。但以前真係好食架，但今次個味道唔係我所預期既好。海鮮墨魚汁飯海鮮都好足料，但今次個飯只係暖暖地，希望下次可以改善下啦。龍俐柳沙律條魚係原條煎既，個魚好滑，都唔錯架。而沙律好好味啊，仲好食過三文魚鮮果沙律。飲品粉紅甜蜜個味道好清新，有粒粒西柚肉，相當健康。椰林相思我既自愛，當然都係咁好飲。但下次可以落多小小椰漿。西西里陽光個味道唔錯，又唔係好甜，佳品。甜品酥皮蘋果撻伴雪糕呢個甜品係即叫即製，但都值得等既。個個甜品好好食，特別係個皮，好脆口