立体派拉麵 (棉登徑) (Closed)

由於呢次疫情，已經好耐好耐無返過鄉下，今日決定去食番餐拉麵解下鄉愁先。今次揀左尖沙咀呢間立体派，餐廳樓底夠晒高，座位亦十分舒適。我地揀左兩個拉麵同兩個小食share食。特級白湯（大），拉麵賣相一流，有幾片肉再加一隻糖心蛋，十分足料。湯底很濃郁，忍唔住食到底飲晒d湯。鯖魚湯香菇野菜海蝦拉麵，湯底有少少辣，飲落好開胃。香菇野菜份量亦很多。三隻海蝦另上，少少酒味，味道幾特別，三隻蝦都很彈牙，口感一流。香炸雞軟骨餃子，雞軟骨食落夠晒口感有層次，唔錯。唐揚脆炸雞，有5粒大大粒炸雞炸得夠晒香脆，上枱熱辣辣，正。波子汽水&可口可樂呢餐食得好滿足，無論餐廳環境又或者食物質素都很滿意，價錢亦合理，相信好快有下一次。