和牛燒肉一郎 (寶漢大廈) (Closed)

今日好肚餓好想好想食肉，又好耐冇食燒肉，收工去左銅鑼灣搵燒肉食，於是搵到呢間和牛燒肉一郎。佢喺銅鑼灣地鐵站C出口一出對正個大廈𨋢口，上去就係。因為今日好想食肉，我地就揀咗第三級嘅套餐C黎燒。等左一陣，送上枱嘅嘢好豐富。首先，有一個尋寶盒放左上枱，裡面係一塊成塊面咁大嘅西冷和牛，好大嘅一塊牛扒；然後係一個海鮮船，有原隻魷魚、蝦、扇貝、好嫩口嘅滑雞件；再黎係一個裝住各種靚牛嘅錦盒。未開始燒已經俾個賣相深深吸引左，嘿嘿⋯⋯我地由錦盒開始燒，錦盒𥚃面啲牛好有心思捲到花瓣造形，上面舖上食用金泊，和牛里脊肉、和牛肋肉、和牛橫隔膜，逐樣逐樣品嘗，啲牛好肥美，完全食出唔同部位嘅分別。之後，我地又另外叫左壽喜燒同和牛壽司。壽喜燒塊牛係薄嘅，我完全同意，因為咁先食到壽喜燒蛋汁嘅鮮甜，呢個絕對係好嘟正。牛壽司呢，賣相好靚，紅卜卜，入口即溶。到個船，海鮮新鮮，燒完個魷魚剪到一圈圈咁，好好味。我哋留到最後先食個西冷，我地燒到啱啱好然後剪條黎食，呢個真係必食，好鬆軟，又係入口即溶，牛嘅油香係佈滿成個口腔。配上飲品Bar各式特飲，白桃汁、利賓納等等，佢哋連Sangria 都有，加速消化，繼續大擦一輪，最後佢哋嘅雪糕