臺北棧 (形點 I) (Closed)

台灣菜最吸引人嘅就係款式多元化，呢日我哋嚟到元朗YOHO臺北棧🤩呢度嘅裝修主要粉紅色為主，打卡一流！鹹蛋黃芋泥蛋餅，一上枱就見到擺盤好靚，鹹蛋黃碎粒佈滿晒成份蛋餅，一咬開入邊嘅芋泥湧晒出嚟😍勁滿足😍而且甜味適中，就算一個人食晒成份都絕對冇問題🤣蒜泥台灣水蓮，水蓮係台灣嘅特產蔬菜，而且有助消水腫，食入口有淡淡蓮花香，而且非常爽脆，配上輕輕嘅蒜泥味道，味道非常好😝松露魯肉飯，魯肉飯絕對係台灣菜經典，而呢到加上松露，呢個配搭好特別，陣陣嘅松露味，但味道唔會太鹹，好容易令人一啖接一啖，食到唔想停🥰擔擔牛肉麵，好足料，有牛肉之外，仲有豆腐、蟲草花，牛肉非常入味，大大塊😋木瓜牛乳，木瓜味好清甜，而且木瓜份量好多，令人好滿足😝芋泥牛乳，芋泥同牛乳味道好夾，兩者嘅味道混合埋一齊，勁濃郁😚