梅之味 (麗都大廈) (Closed)

灣仔住宅區附近，有一間唔起眼裝修非常低調嘅台灣料理店，就咁睇以為係日式餐廳。餐廳座位寬敞，卡位好闊落，而且樓底都幾高，環境幾舒適。首先點左台式炸雞排飯。雞排外皮炸到金黃香脆非常惹味，雞內咬落有肉汁，而且酥皮味道剛剛剛好唔會太咸。伴碟嘅蒜蓉拍青瓜都好有水準，加上少量台式滷肉作為點綴，就成為一個簡單又美味嘅地道台式便當。小食炸花枝丸，食到大大粒墨魚，口感同鮮味十足！酸辣湯非常足料，有齊筍絲、木耳絲、香滑豆腐粒、豬肉絲同埋莞茜，味道酸酸地辣辣地，好開胃！蒜蓉清炒油麥菜，好味又健康。